Farad

Muster:NowOrt Muster:Jednostka miary infobox farad (F) – jednostka pojymności elektrycznyj w układzie SI (jednostka pochodnŏ układu SI)

Je to pojymność elektrycznŏ przewodnika elektrycznego, co jego potyncjoł zwiynkszŏ sie ô 1 wolt po dolifrowaniu ladōnku 1 kulomba. W uproszczyniu pojymność jednego farada ôznaczŏ, iże w przewodnik ô potyncjale jednego wolta idzie „wrazić” ladōnek ô wercie jednego kulomba.

Je to tyż pojymność kōndynsatora, w kerym naladowanie ôkłŏdek ôpacznymi ladōnkami ô wercie 1 kulomba wytwŏrzŏ napiyńcie 1 wolta. Chociŏż majōm te same miana, pojymność kōndynsatora i pojymność przewodnika to roztōmajte wielkości.

$\mathrm{1}\mathrm{F}\mathrm{=}\frac{1C}{1V}\mathrm{=}\frac{1A\cdot 1s}{1V}\mathrm{=}\mathrm{1}\frac{A^2\cdot s^4}{kg\cdot m^2}$

Jednostka ôstała nazwanŏ na cześć fizyka i chymika angelskigo ze XIX stoleciŏ, Michaela Faradaya.

Farad to je moc srogo jednostka. Nojczyńścij sōm używane podwielokrotności farada:

mikrofarad

1 µF = 10⁻⁶ F

nanofarad

1 nF = 10⁻⁹ F

pikofarad

1 pF = 10⁻¹² F

Historyjŏ

Pojyńcie „farad” ôstało nojprzōd wkludzōne ôd Josiaha Latimera Clarka i Charlesa Brighta w roku 1861 za jednostka ladōnku. We 1881 roku, na miyndzynŏrodowym kōngresie elektrykŏrzy w Paryżu, tyn termin bōł już ôficjalnie używany za ôkryślynie pojymności elektrycznyj.

Wejzdrzij tyż

• kōndynsatōr